सुरेशमान श्रेष्ठ गहना बजारको क्षेत्रमा चिरपरिचित नाम हो । उनको तीन पुस्ताले गहना क्षेत्रमा समय व्यतित गरीसकेको छ । २०१८ सालमा न्यूरोडकै खानदानी परिवारमा जन्मनुभएका सुरेशमान श्रेष्ठको भने सौखको उचाई मापन गर्न कठिन रहेको छ । नेपाल रत्न आभूषण संघको संस्थापक अध्यक्ष समेत रहनुभएका श्रेष्ठले गहना व्यवसायमा भने २०३६ साल देखि सक्रिय हुनुभएको हो । नेपालमा पहिलो पटक आधुनिक सो रुम स्टाईलमा यस व्यवसायको आरम्भ गर्ने श्रेय श्रेष्ठलाईनै जान्छ । काठमाडौंमा मेरिगोल्ड ज्वेलर्सलाई सो रुममा विकास गरेर आधुनिकता भित्राउने व्यक्तिको रुपमा श्रेष्ठ पर्नुहुन्छ । सन १९७८ मा नै राजधानीबाट व्यवसायिकरुपमा श्रेष्ठले मेरिगोल्डबाट हिराको व्यापार सुरु गर्नुभएको थियो । श्रेष्ठले हालसालै दरवारमा मार्गमा समेत मेरिगोल्ड ज्वर्लसको अर्को सोरुम संचालन गर्नुभएको छ । खासगरी दरबारमार्गमा सम्भान्त परिवार र डिजाईनका पारखीहरुलाई मध्यनजर गर्दै सुन तथा हिराका गहनाहरुको उच्चस्तरको सोरुम संचालनमा ल्याएको छ । दरबारमार्ग स्थित सो रुमको वलिउडकी चर्चित नायिका करिश्मा कपुरले गरेकी थिइन । 

जीवनमा जतिनै घर बंगला,हिरा,मोति,सुनचाँदी भएपनि मरेपछि एक टुक्रा पनि केही लान सकिदैन के को लागि कमाउने बाँचुन्जेल लगाउने र साथीभाईहरुसँग हाँसखेल गर्ने दुःख सुःख बाट्ने हो काठमाडौं सुनचाँदी व्यवसायी संघको १६ औं साधारणसभाको क्रममा श्रेष्ठले हाँस्दै गफिनुभयो । 

सुरेशमान श्रेष्ठ व्यक्तिगतरुपमा जति उदार हुनुहुन्छ लगाउन र खाने सवालमा पनि त्यतिकै फरासिलो व्यक्तित्व । सानो ठुलो कसैमा पनि विभेद नराख्ने स्वभावका श्रेष्ठलाई घडि चाँही निकै महँगो जस्तो छ नि भन्ने प्रश्नमा उहाँले हाँस्दै भन्नुभयो भयो ६० लाखको मात्रै हो । रोलेक्स ब्राण्डको त्यसमा पनि डाइमण्ड जडीत घडीका सौखिन श्रेष्ठ बाँचुन्जेल लगाउने र अरुको लागि पनि सहयोग गर्ने सोच राख्नुहुन्छ । 

बाँचुन्जेल सक्दो गर्नुहोस्,आफ्नो सोख पनि पुरा गर्नुहोस् र देश र समाजको पनि सेवामा सर्मर्पित हुनुहोस् भन्ने श्रेष्ठको सुझाव रहेको छ । सौखका धनी सुरेशमान श्रेष्ठ मरेर पनि सवै सम्पत्ति छातिमा हालेर लान्छु भनेर कन्जुसाई गर्नेहरु लागि एक उदाहरणीय र नमुना पात्र बन्नुभएको छ ।