नेपाल सुनचाँदी संघ चितवनका अध्यक्ष डा.यम विकेले सुनचाँदी व्यवसाय जोगाउनको लागि सवैभन्दा पहिला महासंघ भित्रकै अपारदर्शी सुन वितरण र वेथिती हटाउनुपर्ने बताउनुभएको छ ।
सुनको कालोबजारीले सुनचाँदी व्यवसाय धरापमा परेको भन्दै सुनचाँदी व्यवसायी महासंघ यस विषयमा जिम्मेवार नभएको भन्दै सुनचाँदी व्यवसायी संघ चितवनले यस अघिनै विज्ञप्ती जारी गरेर महासंघलाई वेथितीहरुलाई हल गर्न महासंघ नेतृत्वलाई आग्रह गरेको थियो । व्यवसायीहरु कालोबजारीले पलायन भइरहेको अवस्थामा पनि समस्या समाधानमा महासंघ जिम्मेवार नभएको भन्दैं आफुहरु अव पहिलो चरणमा महासंघमा डेलिगेशनमा मंसीर १९ गते सोमवार काठमाडौं आउन लागेको अध्यक्ष विकेले बताउनुभयो । सोमवार एक टोलीको नेतृत्व गर्दै डा. विकेको नेतृत्वमा चितवनबाट सुनचाँदी व्यवसायीहरुको टोली महासंघको कार्यालयमा डेलिगेशनमा आउने भएको छ । आफुहरुले खासगरी अहिलको कालोबजारी बढ्नुमा महासंघ सुन वितरण प्रणाली र अपारदर्शी पनि जिम्मेवार रहेको ठहर गरेको डा. विकेको भनाई छ । उहाँले एशोसियट सदस्य तत्काल खारेर गर्नुपर्ने,महासंघको विशेष साधारणसभा तुरुन्त बोलाएर अहिलेको व्यवसायिक समस्या समाधानमा लाग्नुपर्ने माग गर्नुभयो । महासंघ भित्र सुन वितरण के कसरी वितरण हुन्छ भन्ने सवालमा कुनै पनि सुचना नदिनुले अपारदर्शी वितरण देखिएको आफुले ठहर गरेको र अहिले सम्म वितरण भएको सुनको लेखा जोखा समेत महासंघले प्रस्तुत गर्नुपर्ने डा.विकेले माग गर्नुभयो । देशभरको व्यवसायीहरुको आस्था जोडिएको महासंघलाई लोकतान्त्रिक व्यवस्थामा स्वेच्छाचारी ढंगले संचालन गर्न नहुने र तुरुन्त विशेष  साधारण सभा बोलाएर व्यवसायिक समस्याको विषयमा छलफल गरेर आगामी दिनमा अघि बढ्नुपर्ने उहाँको भनाई छ । यदि महासंघले व्यवसायीहरुको मुद्धालाई हल गर्न अग्रसर नहुने हो भने आन्दोलनको विकल्प नरहेको समेत डा. विकेले ठहर गर्नुभयो । सुनचाँदी व्यवसायकै क्षेत्रमा पिएचडी गर्नुभएका सप्तगण्डकी क्याम्पस भरतपुरका प्राध्यापक समेत रहनुभएका डा. यम विकेले अव महासंघलाई अध्यारो कोठामा आफ्नो स्वार्थ पुरा गर्ने हिसावबाट होइन आम व्यवसाय क्षेत्रको हित हुने गरी र रचनात्मक कार्य गर्ने गरी पारदर्शी ढंगबाट संचालन गर्नुपर्ने अवको आवश्यकता भएको बताउनुभयो । जसरी राजनीतिमा युवाहरुले हस्तक्षेप गरेर ताजा जनादेशको संकेत गरे त्यसरीनै अव महासंघलाई सच्चाउनुको विकल्प गर्न सक्षम यूवाहरुको महासंघमा हस्तक्षेप आवश्यक रहेको उहाँको भनाई छ ।