आभूषण बजार
काठमाडौं । नेपालमा सुनको भाउ नकाटिने दिन पसल खोली सुन र चाँदीको कमसल सामान वेच्ने,मनोमानी मूल्यमा वेच्ने न्यूरोडका केही पसलहरुको वारेमा गुनासो आएको वाणिज्य आपूर्ति तथा उपभोक्ता संरक्षण विभागले ध्यानाकर्षण भएको जनाएको छ ।
भाउ नतोकिने शनिवारको दिन न्यूरोडमा केही सुनचाँदी पसलले अनियमित कारोवार गर्ने गरेको गुनासो आएको छ ,अध्ययन गर्दर्छौ वाणिज्य विभागका उच्च कर्मचारीले वताउनुभयो ।
न्यूरोड र दरवारमार्गको चारवटा पसलले शनिवार भाउ नकाटिने दिन मनोमानी ढंगबाट संघको निर्णयलाई समेत अटेर गरेर कारोवार गर्दै आईरहेका छन् । भाउ नतोकिने दिने कारोवार गर्नु कानुनत अवैध मानिन्छ ।
प्यूखाको दुईवटा चाँदी पसलको रिटेल र होलसेलर पसलले शनिवारको मौका छोपी पचास प्रतिशत वढी सामान भन्सार छलेर विक्री गर्ने गरेको खुल्न आएको छ । ग्राहकलाई सामान किन्दा चलान विल दिए झै गर्ने तर कर नतिर्ने,ठगी वारे आवाज उठाउँदा कर्मचारीलाई ज्यान मार्ने सम्मको धम्की दिएको नाम नवताउने सर्तमा कर्मचारीले वताएका छन् । आवाज उठाउँदा कर्मचारीलाई कामबाट समेत मनोमानि निकालिएको थियो । चाँदी पसलका उनी संचालकले काठमाडौमा दर्जनौ ठाँउमा राजश्व छलेर कमाएको अकुत सम्पतिबाट दर्जनौ घर र जग्गा किनेको वुझिएको छ । उनको सम्पति शुद्धिकरणमा समेत छानविनको लागि मुद्धा चलाउन रिपोर्टहरुको तयारी भइरहेको वुझिएकाृ छ ।
यसैगरी जुद्ध शालिक छेउमा रहेको सुनचाँदी पसल र विशाल वजार अगाडिको एउटा हिरा पसलले पनि शनिवार व्रम्हलुट मच्चाएका छन् । कालिगढलाई पिटेर थुनामा वसेका ति साहुजीले ग्राहकलाई ८० प्रतिशत डुव्लीकेट विल दिने गरेको गुनासो आएको छ । कर छलि गर्ने उद्देश्यले सो पसलले ग्राहकलाई भ्याट विल समेत दिदैन । कालिगढसँग विवाद हुने र कुटपिट समेत हुने भएपछि अहिले सो पसलको साहुँले चितवन,पोखराबाट सामान लिएर वेचेर शनिवार समेत पसल ज्याला जर्ति मनपरी गरेर लुट मच्चाईरहेको पिडित कर्मचारीले वताएका छन् । उनले रिपेरिङ गहनामा तौल घटाएर ग्राहक ठग्ने गरेको ग्राहकले समेत उजुरी गरेका छन् ।
विशाल बजार अगाडि रहेको हिरा पसलले पनि शनिवार पसल खोलेर व्रम्हलुट मच्चाईरहेको छ । एक हजार पर्ने हिरालाई दश हजार सम्म वेच्ने गरेको तथ्य वाहिरीएको छ । अधिकांस हिराहरु भारतबाट भन्सार छलेर ल्याउने गरेको पाईएको छ । विरगन्ज निवासी उनको आफन्तको परिवारको सहयोगमा चीनवाट तस्करी गरेर ल्याएको सुन सो हिरा पसलमा कारोवार हुने गरेको प्रमाणहरु आउन थालेको छ । ग्राहकलाई डुव्लीकेट विल दिने र भ्याट र अन्तशुल्क नतिर्ने गरी दुईवटा विल चलाउने गरेको पाईएको छ ।
शनिवारका भाउ नआउने दिन यस किसिमको गुनासो पसलको नाम सहित वाणिज्य आपूर्ति तथा उपभोक्ता संरक्षण विभाग ववरमहलमा पुगेको छ । विभागले अव तुरुन्त यी पसलहरुमा अनुगमनको तयारी गरेको जानकारीमा आएको छ ।
शनिवार कर्मचारीलाई समेत शोषण गरी कारोवार नहुने अरु पसल वन्द भएको वेला मौका छोपी भन्सार छली ल्याएको कमसल चाँदीका सामान र सुनका गहना मनपरी वेच्न पल्केकाहरु छिट्टै कानुनी फन्दामा पर्ने दिन नजिकिदै गएको देख्न सकिन्छ । न्यूरोडका आम सुनचाँदी व्यवसायीहरुले संघको नियम र कर्मचारीको भावाना विपरित काम गरेर सम्पूर्ण व्यवसायीहरुको इज्जत फालेर सम्पूर्ण सुन व्यवसायीको शिर झुकाउन यी चारवटा पसलले बाध्य पारेको भन्दैं दुःखीत भएको बताएका छन् ।
प्रतिक्रिया दिनुहोस्